Наслов на мерката 1. Поддршка за самовработување (претприемништво)

Цел на мерката: Поддршка за невработените да започнат сопствен бизнис;

Целна група: Невработени лица евидентирани во АВРСМ;

Висина на финансиската поддршка: До 307.500 денари или до 615.000 денари (доколку се основа правен субјект од два содружника).

Корисници:

• Невработени млади лица до 29 години;
• Невработени лица со попреченост;
• Невработени лица;
• Невработени жени од ранливи категории маргинализирани лица:
• Невработени лица кои сакаат да го формализираат својот бизнис;
• Невработени лица Роми;
• Невработени лица поради корона вирус

Начин на пријавување:

• Јавен повик/Известување,
• Повикување од евиденцијата на невработени лица,
• Пријава и Прашалник за процена на претприемачки афинитети.

Критериуми Учеството во програмата и селекцијата на кандидатите ќе се врши на конкурентска основа, согласно следните критериуми:

• Успешно пополнет прашалник;
• Изработен проширен бизнис план (со посебен осврт на анализа на конкуренцијата и SWOT анализа на кандидатот) со советодавна поддршка;
• Позитивно оценет бизнис план од експертска комисија;
• Лицата со попреченост кои ќе бидат селектирани за регистрација на правен субјект со поддршка на програмата, ќе добијат можност да следат on-line обука за „Претприемништво и развој на претприемачки вештини“;

Фирмите основани од лицата со попреченост, доколку имаат селектиран одржлив бизнис план кој предвидува дополнително вработување, ќе се поддржат со дополнително вработување;

Програмата ќе се реализира при што ќе се води сметка за регионалната застапеност дефинирана во оперативните упатства. Менторска поддршка за лица со попреченост од најмалку 120 часа за развој на позитивно оценетите Бизнис планови.