1. Grupi i synuar

• Kujdestar që ka akomoduar person në familjen e vet
• Prind që ka fëmijë me pengesa

2. Kushtet për akses

Akomodues që ka akomoduar person në familjen e vet të paktën pesëmbëdhjetë vjet pasi ka mbushur moshën 62 vite për grua dhe 64 për mashkull, që është i papunësuar dhe nuk e realizon të drejtën e pensionit në asnjë bazë.

Prind që kujdeset për fëmijë me pengesa deri në moshën 26 vjeçare, që nuk ka shfrytëzuar shërbim të mbrojtjes sociale jofamiljare, që është i papunë dhe nuk e shfrytëzon të drejtën e pensionit, pas moshës 62 vjeçare për grua dhe 64 vjet për mashkull. Prindit të mos i jetë hequr e drejta prindërore për fëmijën.

3. Lartësia e të drejtës

Lartësia e kompensimit të përhershëm për kujdestar/prind është 8 000 (tetë mijë) denarë në muaj, e përshtatur me rritjen e shpenzimeve të jetesës për vitin paraprak, të publikuara nga Enti Shtetëror për Statistikë në janar për vitin rrjedhës.

4. Dokumente të duhura për aplikim

Shtojca nr. 1 Kërkesë për realizimin e të drejtës për kompensim të përhershëm për kujdestar dhe prind

Shtojca nr. 8 Kërkesë për grumbullimin e të dhënave me detyrë zyrtare

Shtojca nr. 9 Përgjigje për të dhënat me detyrë zyrtare

1. Letërnjoftim ose dokument i vlefshëm udhëtimi që dorëzohet për kontroll
2. Certifikatë nga libri amë i të lindurve e kujdestarit
3. Vërtetim nga qendra kompetente për punë sociale për periudhën e akomodimit të personit apo fëmijës pa prindër dhe përkujdesje prindërore.
4. Vërtetim nga Agjencia për Punësim e Republikës së Maqedonisë së Veriut, për status të personit të papunë për kujdestarin.
5. Vërtetim nga Fondi për Sigurim Pensional dhe Invalidor në Republikës së Maqedonisë së Veriut që kujdestari, pas moshës 62 vjeçare për grua dhe 64 për mashkull nuk shfrytëzon pension.

Dokumentacionin nga pikat 2,3,4,5 e siguron qendra për punë sociale me detyrë zyrtare nëpërmjet shkëmbimit të të dhënave në formë elektronike me institucionet kompetente ose në formë të shkruar, pas pëlqimit me shkrim nga parashtruesi për përdorimin e të dhënave personale të tij/saj në procedurën për realizimin e të drejtës për kompensim të përhershëm për kujdestar.