1. Целна група:

Вработениот родител на дете со следните телесни или интелектуални пречки во развојот и со најтешки облици на хронични заболувања:

• оштетен вид (потполно слепо) или слабовидно дете кое што поради степенот на сензорното оштетување истото не е во состојба самостојно да се движи и опслужува;
•  стекнати и вродени трајни пречки или оштетувања на локомоторниот систем и облици на локомоторна дисфункција, кое што своите основни, биолошки и социјални потреби ги извршува само со постојана грижа и нега од друго лице;
•  тешки и најтешки пречки во менталниот развој;
•  аутизам, кој што се карактеризира со квалитативно оштетување на реципрочните социјални интеракции, на невербалната, вербалната комункација и имагинација, како и со ограничен број на активности и интересирања или
•  комбинирани пречки во развојот каде што се присутни најмалку два или повеќе видови на пречки во развојот

2. Услови за пристап:

Родителот е вработен и има дете со потешка телесна или интелектуална попреченост и со најтешки облици на хронични заболувања.

3. Висина на правото:

 Висината на надоместокот на плата изнесува 50% од просечната нето плата за полно работно време на родителот исплатена во претходната година, но најмногу до 50% од просечната нето плата во Република Северна Македонија за претходната година, објавена од Државниот завод за статистика.

4. Рокови за остварување на правото и престанок на правото:

 За промените коишто влијаат на губење на правото на надоместок на плата за скратено работно време поради нега на дете со попреченост и најтешки облици на хронични заболувања, Центарот за социјална работа се известува од страна на корисникот на правото најдоцна 15 дена од денот на нивното настанување.

5. Потребни документи за апликација:

Барање за остварување право на надоместок на плата за скратено работно време.

Изјава, писмената согласност на подносителот за користење на неговите лични податоци во постапката за остварување и користење на правото

Барање за прибирање на податоци по службена должност

Одговор на барање за прибирање на податоци по службена должност

1. Извод од матичната книга на родените за лицето кое што бара да го оствари ова право;

2. Извод од матичната книга на родените на детето;

3. Решение од работодавачот за користење на правото на скратено работно време согласно закон

 4. Решение за заснован работен однос на определено или неопределено работно време на двата родитела, самохран родител или старател

Потребната документација од точките 1 и 2 центарот за социјална работа ја прибавува по службена должност, додека потребната документација од точките 3 и 4 ја доставува подносителот на барањето за остварување на правото на надоместок на плата за скратено работно време поради нега на дете со попреченост и најтешки облици на хронични заболувања