Garancia për të rinj fillon me masat për aktivizimin e të rinjve, të cilët regjistrohen për herë të parë si të papunë – punëkërkues aktiv (fluks). Pas regjistrimit në regjistrin e personave të papunë, ata oritentohen menjëherë në intervistën e tyre të parë me punonjës të Agjencisë për Punësim, të cilët e profilizojnë mundësinë e tyre për t’u punësuar, duke përdorur një pyetësor kontrollues dhe përgatisin Plane individuale për punësim. Këto plane i përcaktojnë aktivitetet që të riut të papunë i mundësojnë, në një periudhë 4 mujore, të ripërfshihet në procesin arsimor (jo në arsimin e rregullt) ose të përfshihet në ndonjë nga masat ose shërbimet aktive për punësim, që do t'i mundësojnë atij të rrisë mundësitë e punësimit ose t'i ofrohet punësim i përshtatshëm sipas arsimimit dhe aftësive të tij. Aktivitetet përfshijnë këshillim në grup dhe individual; sigurim i shërbimeve për ndihmë për të kërkuar punë; trajnime motivuese; përfshirje në ndonjë nga masat për integrimin në tregun e punës (masat e punësimit, arsimit dhe trajnimit).