Të drejtë të kompenzimit në para ka personi i papunë gjatë kohës të kaluar në marrëdhënie të punës, për të cilën kohë janë paguar kontribute nga sigurimi i detyrueshëm social dhe atë:

Në marrëdhënie pune me orar të plotë;

Në marrëdhënie punë me orar jo të plotë, të llogaritur në orar pune me orar të plotë;

Në marrëdhënie pune me orar të caktuar (punë  sezonale) me gjatë se 40 orë në javë,  nëse ajo kohë i është llogaritur në stazh të punës dhe

Për punë jashtë vendit.

Kompenzimi paguhet në pajtim me vitet e stazit të punës. Për shembull, kompenzimi në para paguhet 1 muaj, nëse personi ka stazh të sigurimit të paktën 9 muaj në kohëzgjatje të pandërprerë apo 12 muaj me ndërprerje në 18 muajt e fundit. Nëse personi ka stazh nga 10 deri në 12,5 vjet, kompenzimi paguhet 6 muaj, dhe nëse ka stazh mbi 25 vjet – 12 muaj. 

Lartësia e kompenzim mujor në para gjatë papunësisë vërtetohet në bazë të rrogave të llogaritura dhe të paguara te punëdhënësi dhe është 50% nga rroga mesatare mujore neto e punëtorit për 24 muajt e fundit për personin që ka të drejtë në kompenzim në para deri në 12 muaj. Kompenzimi në para nuk mund të jetë më shumë se 80% nga rroga mesatare mujore neto për punëtorë në Republikë të shpallur për muajin e fundit.

Qytetarët që kanë mbetur pa punë parashtrojnë kërkesa në Qendrën për punësim në vendbainm, në afat prej 30 ditësh nga dita e ndërprerjes të marrëdhënies të punës.

Të drejtën në kompenzim në para nuk mund ta realizojë personi i papunë të cilit marrëdhënia e punës i është pushuar për shkak të:

Dhënies të deklaratës me shkrim të punëtorit se dëshiron që t’i pushojë marrëdhënia e punës, përveç nëse deklarata e tillë është dhënë për shkak të ndryshimit të vendbanimit të bashkëshortit apo lidhjes të martesës;

Pushimit të marëdhënies të punës me marrëveshje;

Realizimit të të drejtave nga marrëdhënia e punës në kundërshtim me ligjin;

Pushimit të marrëdhënies të punës me fuqi të ligjit, përveç në rastet e pushimit të personit juridik për shkak të falimentimit;

Mungesës të paarsyetuar nga puna tre ditë pune pandërprerë apo pesë ditë pune me ndërprerje gjatë një viti;

Pushimit të marrëdhënies të punës me dorëheqje nga ana e punëdhënësit për shkeljen e disiplinës të punës apo mospërmbushjen e detyrimeve të përcaktuara me ligj, marrëveshje kolektive dhe kontratë pune;

Refuzimit që të punojë në punë në të cilat është caktuar në pajtim me ligjin;

Refuzimit që të ndërmerret me marrëveshje te punëdhënësi tjetër në pajtim me ligj;

Refuzimit të trajnimit, rikualifikimit dhe kualifikimit shtesë për vend tjetër të punës te punëdhënësi i njëjtë apo tjetër, që i sigurohet në pajtim me ligj;

Humbjes të aftësisë të punës me dispozitat për sigurim pensional dhe invalidor dhe

Përmbushjes të kushteve për realizimin e të drejtës në pension.

Informata të hollësishme mund të gjenden në faqen e Agjencisë të punësimit: https://av.gov.mk/paricen-nadomestok.nspx